Prezıdent, Qazaqstan Qarýly Kúshteriniń Joǵarǵy Bas Qolbasshysy Nursultan Nazarbaev 1997 jyly óz qolymen Jaýyngerlik týdy tabys etken áskerı ýchılıshe keıin ınstıtýt jáne halyqaralyq mártebesin alyp, osy jyldar aralyǵynda óz qabyrǵasynan 3 myń ofıserdi qanattandyryp ushyrdy. Olardyń 252-i kileń «5-ke» bitirse, 54-i «Áskerı oqý ornyn úzdik bitirgeni úshin» belgisine ıe boldy.
«Instıtýt– elimiz boıynsha Ulttyq ulannyń ofıserlerin daıyndaıtyn jalǵyz joǵary oqý orny. Onyń bazasynda bolashaq ofıserler jeti mamandyq boıynsha ázirlenedi jáne segiz kafedrada bilim alady. Biliktilikti arttyrý fakýlteti jumys isteıdi», deıdi eńseli bilim oshaǵynyń bastyǵy, general-maıor Jumabek Ahmetov.
Qazaqstandyq saıypqyrandarmen qatar Qyrǵyzstannyń bes, Tájikstannyń toǵyz ókili joǵarǵy oqý ornyn bitirgeni týraly dıplom aldy. Túlekterdiń altaýy úzdik bitirse, Baqdáýlet Túlebekke «Áskerı oqý ornyn úzdik bitirgeni úshin» belgisi tapsyryldy jáne esimi ınstıtýttyń qurmet taqtasyna jazylatyn bolady.
О́mir Esqalı,
«Egemen Qazaqstan».
